OUI PAPA

Abdul Malik



He coulda trimble
ah mountain
pouning drum
rap like Moses
rap like John
ah say
Mih Daddy was strong
so strong
Lord all mighty!

He coulda level
de ground
wid ah sweeping gaze
sa-cri-fice
ah wuk fuh days
an days
LORD!
Mih Daddy was good
real good
ah tell yuh

He coulda dadge
dem Poleece
tunning beast
blow dong
trample
slay an shout
in de Butler riots
ah talking bout
MAN
Mih Daddy get mad
reel mad
Yuh hear mih!
Deb he open dese eyes
an make mih wise yes
he say SON
is lil people sweat
make up big pappy gain
is poor people always
in de rain
U'hmmmm
Mih Daddy was poor
still poor
poor fella


E-mail Malik


Panic! Poets

Panic! Art Gallery

HOME